Pastagratin

Ég hef reyndar ekki prófað þessa uppskrift ennþá - en mér finnst hún hljóma mjög vel

Soðið pasta

kjötsósa (steikið 1 bakka af nautahakki, kryddið og setjið niðursoðna tómata eða pastasósu yfir og látið sjóða saman)

kirsuberjatómatar

vorlaukur

rifinn ostur

 

Ostasósa

4 dl rjómi eða mjólk

100 g beikonsmurostur

1-2 dl rifinn ostur

salt og pipar

 

Sjóðið pastað.

Steikið nautahakkið og kryddið eftir smekk. Setjið góða pastasósu eða niðursoðna tómata yfir og látið sjóða saman.

Setjið rjóma/mjólk í pott ásamt beikonsmurostinum og látið suðuna koma upp.

Bætið rifnum osti í pottinn og látið bráðna saman við. Saltið og piprið og takið af hitanum.

Setjið pastað í eldfast mót og hellið kjötsósunni yfir. Skerið kirsuberjatómata í tvennt og setjið yfir kjötsósuna ásamt niðurskornum vorlauki.

Hellið ostasósu yfir og stáið rifnum osti yfir.

Setjið í  200 °C heitan ofn í um 20 mínútur eða þar til osturinn hefur bráðnað og fengið fallegan lit.

Borið fram með salati og góðu brauði

Sjávarréttapastað mitt

1 pk. Svart spagetti  (500 gr.)

6 hvítlauksrif

2 rauð Chilli

Smjör / olía

Chilli kryddi (Chilli explosion)

Sjávarréttakrydd (frá sömu og Chilli Explosion)

1 pk. Risarækjur

1 pk. Surimi (krabbi)

Nokkrir humarhalar (eða hörpudiskur)

Sweet chilli sósa

1,5 dl. Rjómi

 

Sjóða pasta skv. Leiðbeiningum (kannski 1,5-2  mínútum skemur)

Mýkja hvítlauk og chilli í smjöri / olíu

Bæta sjávarréttum út á og látið malla í smástund (ekkert lengi)

Krydda – og bæta chilli sósu út í ásamt rjóma – og hita.

Setja pata út í og leyfa að malla í smástund (1,5 – 2 mínútur – þess vegna að sjóða pata aðeins styttra – þannig að það verði ekki ofeldað).

 

Berið fram t.d. með góðu brauði

 

Okkur fannst þetta alveg agalega gott.

 

Ég keypti humarskelbrot í Bónus – og notaði nokkra humarhala í þetta – afgang af þeim ætla ség að nota í humarpizzu – en skeljarnar sjálfar notaði ég í humarsúpu – sem er óhugnanlega góð – og engin þörf á að nota humarinn í súpuna.

 

Þannig að úr einum poka af ódýrum humar – er hægt að útbúa 3 mismunandi rétti J

Hvítvíns - beikon - gullostapasta

 

 

 

 

 

 

 

1 gullostur

2 dl. hvítvín

1 pakki beikon

2 dl. rjómi

Steinselja - pipar

Bræða ost í hvítvíni og rjóma

Steikja beikon og skera í litla bita og setja út í sósuna

Kryddið

Sjóða pasta og hræra út í sósuna.

Berið fram með hvítlauksbrauði og / eða salati

 

 

Sítrónupasta með skinku

Þessi uppskrift er frá veitingahúsi í Róm, Vecchia Roma, fann ég uppskriftina í bók sem heitir "Hundrað góðar pastasósur", eftir Diane Seed - og var hún flokkuð undir "grænmetisréttir"

Endilega prófið þennan - kemur á óvart - er ótrúlega góður!

500 gr. tagliatelle
1 hvítlausrif
25 gr smjör
svartur pipar
2 sítrónur
100 - 200 gr skinka
5 dl. rjómi (matreiðslurjómi)
salt

Hakka eða saxa hvítlauk örsmátt. Bræða smjör og steikja hann varlega, ekki brúna, bætið pipar út í. Þvo sítrónur og rífa ysta lagið mjög fínt (passa að taka ekki af hvíta hlutann sem er næst berkinum - sem gerir sósuna beiska). Skera skinkuna í ræmur og blanda saman við hvítlauk og smjör. Bæta síðan sítrónuberki og rjóma.

Láta krauma í opnum potti í allt að klukkustund (ég hef reyndar ekki látið krauma það lengi).

Sjóðið pastað til hálfs (mýkja það) - klára síðan að sjóða það í sósunni. Saltið eftir smekk. Ef sósan er of þykk bæta við smá rjóma / mjólk. Ég hef notað matreiðslurjóma og blandað hann með léttmjólk.

Gott með hvítlauksbrauð og salati.