Færsluflokkur: Nautakjöt
18.6.2015 | 15:05
Nauta kebab
1 kg. Nautakjöt
3 hvítlauksgeirar
2 tsk. Reykt paprika krydd (fæst frá Pottagöldrum)
½ tsk. Turmerik
½ tsk. Cumin (ekki kúmen)
1 tsk. Salt
1 tsk. Svartur pipar
1/3 bolli rauðvínsedik / balsamedik
½ bolli ólífuolía
Ég átti ekki til rauðvínsedik og notaði balsamedik en setti smá slettu af óáfengu rauðvíni í staðinn 3-4 msk. kannski.
Rífa hvítlaukinn smátt og blanda kryddum saman við ásamt ediki og rauðvíni ef er til.
Þeyta síðan olíu saman við í smá skömmtum.
Við skárum kjöt í sneiðar og leyfðum þeim að marinerast í kryddleginum í 4 klukkutíma við stofuhita.
Grilluðum á vel heitu grilli í ca. 2 mín á hverri hlið.
Borið fram með pítubrauði, hvítlauks- og / eða sinnepssósu og grænmeti að vild jafnvel frönskum eða hrísgrjónum.
Okkur fannst þetta vera alveg fáránlega gott og værum alveg til í að éta væna sneið af nauti, sem er búið að marinerast í þessum kryddlegi og éta með góðu meðlæti.
Við vorum meira að segja með frekar leiðinlega bita sem við notuðum í þetta en þeir urðu ótrúlega meirir og góðir í þessum kryddlegi.
11.3.2013 | 10:24
Buff stroganoff
200 gr. niðursneiddir sveppir
2 laukar - í þunnum sneiðum
2 msk. sætt sinnep
2 dl. sýrður rjómi
2 dl. rjómi
1 dl. vatn
svartur pipar / salt / sósuþykkni /kjötteningur (ef vill) / sósulitur (ef vill)
Steikja sveppi og lauk. Setja sýrðan rjóma, rjóma og vatn saman við ásamt sinnepi. Krydda og þykkja ef vill.
600 gr. nautakjöt - skorið í frekar litla og ílanga bita - kryddað með hvítum pipar og steikt í örstutta stund (hafa bitana vel bleika að innan).
Setja kjötið út í vel heita sósuna og bera fram strax.
Gott með hrísgrjónum / frönskum / hrásalati. (Sumir bera fram súrar gúrkur og rauðbeður með þessu - sem er áreiðanlega gott)
Nautakjöt | Breytt s.d. kl. 10:26 | Slóð | Facebook | Athugasemdir (0)
6.5.2012 | 19:55
Grafinn nautavöðvi Guðmundar 2002
Rétturinn sem sló í gegn á sýningunni Matur 2002. Kjarnorku skyndibiti, partýsnakk, gott fyrir framan sjónvarpið með boltanum í sumar, enn betra í veiðitúrinn, hestaferðina eða gönguferðina. Líka frábært sem forréttur með fersku íslensku grænmeti. Komdu á óvart með öðruvísi og betra snakki!
1kg NAUTAFILLE
4 msk piparmix
1 msk sítrónupipar
1 msk grænn frostþurkaður pipar - mulinn
1 msk rósapipar - mulinn
1 msk salt
Vöðvinn er skolaður og hreinsaður vel. Síðan er hann skorin í þrjár lengjur eftir endilöngu, þá minna ræmurnar hvað stærð og lögun varðar á lambafille. Kryddinu er blandað saman í skál. Vöðvinn hjúpaður kryddblöndunni og saltinu stráð yfir hann að síðustu.
Vefjið vöðvann í plast og látið standa í kæli í 3 daga fyrir neyslu.
En....ef tíminn er naumur er kjörið að krydda vöðvann og láta hann vera á eldhúsbekknum næturlangt, setja hann síðan í ísskápinn og hafa hann þar til kvölds, eða næsta dags. Ef kjötið er við stofuhita gengur kryddið mun hraðar inn í vöðvann en ef hann er kaldur.
Passið að skera vöðvann í þunnar sneiðar sem fara vel í munni.
Þessi stendur fyrir sínu einn og sér án nokkurs meðlætis.
En....auðvitað má bera með brauð, salat og sósu. Til dæmis, sinnepssósu, hvítlaukssósu eða jógúrtsósu.