Baileys frómas

Þessi er ómissandi hver jól í minni fjölskyldu... meira að segja sá matvandasti í stórfjölskyldunni sagðist hafa verið að vonast eftir að þetta yrði í eftirrétt á jóladag.

 

Upphaflega fann ég þessa uppskrift í Gestgjafablaði - held ég árið 1987, ég breytti henni aðeins - en uppskriftin hefur verið óbreytt hjá mér síðan þá.

 

3             stk          egg

1,5          dl            sykur

6             blöð       matarlím

½            ltr.          rjómi

0,5          dl            Baileys

125         gr            suðusúkkulaði, saxað

 

Leggja matarlím í bleyti í kalt vatn

 

Þeyta egg og sykur mjög vel saman

 

Súkkulaði og eggjahræra sett í sér skál og hrært saman

 

Rjómi þeyttur

 

Baileys hitað í örbylgjuofni (ca. 20 sekúndur) og matarlím sett út í (stundum hef ég þurft að hita aðeins í viðbót til að matarlím leysist betur upp).

 

Þegar rjóminn er þeyttur, hræri ég Baileys-matarlímið út í eggja- og súkkulaðihræru, helli út í, í  mjórri bunu og hræri vel í á meðan (til að verði ekki kekkjótt (ef þú hefur engan til að halda í skálina meðan þú hrærir saman, þá hef ég sett blauta tusku undir skálina, til að hún sé ekki að hreyfast á meðan ég hræri saman J  ).

 

Þegar þessu er lokið, hræri ég þeytta rjómann saman við – og set í þá skál sem á að bera frómasinn fram í.

 

Settí kæli, er ca. 2 klst að stífna.  En ég geri þennan yfirleitt daginn áður en hann er notaður.  

 

Klikkar aldrei..... aðeins að muna að þegar baileys-matarlímið er hellt út í eggjablönduna - að þeyta um leið og er hellt í mjórri bunu út í - annars fer matarlímið í kekki og er skelfilega vont.  (ég helli alveg þó að að sé pínu heitt - kannski ekki alveg brennandi heitt - gott að kæla aðeins - en þarf alls ekki að vera kalt þegar er hellt út í :)  ).

Tiramisu - auðvelt og fljótlegt

250 ml. þeyttur rjómi

250 ml. mjólk (léttmjólk má líka nota)

3 eggjarauður

75 gr. sykur (tæplega 1 dl.)

30 gr. hveiti (0,5 dl.)

2 pk. ladyfingers

sterkt kaffi

Kahlúa og / eða Amaretto

Kakó

 

Hitið mjólk að suðu (slökkva undir potti).

Hræra rauður og sykur í skál (ekki þeyta) og blanda saman við heita mjólk ásamt hveiti - hræra vel saman - setja aftur hita undir pottinn og hræra þar til blandan þykknar.

Setja í skál og kæla.  Þegar krem er orðið kalt - blanda saman við þeytta rjómann.

Hræra saman kaffi og líkjör (ef hann er notaður).  Bleyta kökur aðeins í kaffiblöndunni.

Byrja að setja smá af kremblöndu í skál og dreifa úr henni.  Raða fingurkökum yfir og setja kremblöndu aftur yfir - síðan fingurkökur og að lokum kremblöndu.  Setja í ísskáp og kæla í allavega 3 klukkutíma.  Rétt áður en er borið fram - sigta kakó yfir kökuna - og bera fram með góðu kaffi - klikkar aldrei !